إعلامنا مارينز
شعر / سعيد طاهر
صد عتونا ياساسة
أحنا تعبنا سياسة
مصر جريحة
ولا دبيحــة
ولا جوارى وسوق
ونخاســـة
صد عتونا ياساسة
* * *
حمال يادهري المحـن
مش لاقى حق الكفن
صبح الوطن مقسوم
مابين كتل وخصـوم
عشش علينا البـوم
نهش الجراد الوطن
* * *
فى الفضـا المفتوح
ادن ياديكنا وبوح
مارتينى وجينـز
أعلامنا مارينــز
قنــوات الدش
فى ودنــا توش
ودا صحفى معرش
ومذيعة بكــرش
صايدين فى حيتان
على ســمكة قرش
ويبيعوا ضمـيرهم
لو حتى بقـــرش
* * *
الحرية مش مولوتوف
ولاشئ م الخــــــوف
ولاتخوين ياعم امين
نقتل حلم ولسه جنين
دى الوطنية مش تغريرة
يا ست فريدة
تكسر كل ازاز الكون
وكل ضيوفك من كذا لون
المتنفس والمتأســـفن
والمتكبسن والسليكون
ودا حلم الفقرا
على رفـــــك
لساه مركــون
* * *
ياكل النخبـــة
فى طبق النهبه
وآخركوا كناسه
صراعكوا فيه اشتباه
وإلتباسة
وتحت نعالكوا الناس
منداسة
لاجل مكان فى المجلس
أو كرسى رياســـة
صدعتونا ياسياسة
ليست هناك تعليقات:
إرسال تعليق