شاعر مصر الكبير سعيد طاهر
والقصيدة التى اهداها الى الشاعر كامل عيد
فين البيت القديم
شعر/ سعيد طاهر
قالهـا عــــــم كامـــل
مصـــر خســارة فينــا
يـا موحــد القطــرين
فينـــك ياعـم مينـــا
فـين البيـت القديـــم
وفـين جنــــود عرابى
فين الشــيخ النديــم
راح فين عطر الشوارع
ولا أدان الجـوامـــــع
والوقفه فى التراسينا
فينك ياعـــم مينـــا
* * *
بحر الشتات زار أرضنا
يرمى الودع على شطنا
عرافـة والكل اتفـــق
ياخدله صوره م الورق
والكل داخل ع النفـق
يا خيــالــين
فوضوا السبق ؟ !
* * *
يامحدوفين من غير تمن
ولا حتى لاقيــين الكفن
يا ابن هــول من سكتك
شايفك وسامع صرختك
تترج أبواب الســــمـا
لاجلن نقول للالســنة
متلخبوش فى الأزمنــة
مين كان يقول عهد أتنسى
طب دا التــــاريـخ
عمره ماكان المكنسة
* * *
مين كان برئ م المدبحة ؟ !
ياهل ترى
كان اللى واقف بالصليب
ولا اللى فى إيده السبحة
ولا اللى مات وسط الجموع
ولا اللى ناحت فى الدموع
وصـــدور ولادنا مصفحة
يا مروحة يا مصر فينا
مدى إيديكى احضنينا
لمى الولاد م المشـرحة
* * *
بكرة اللى تاهوا ع الرصيف
واللى حلمه كان رغيـف
واللى صلى ومات شريف
ح يكونوا شهدا الملحمة
واللى دافعوا عننا
دا مصر بينا كلنا
ياعم كامل قـولنا
دا مصر حته مننا
فاكر زمان لما الأدان
كان بيجمع شملنا
والسمسمية تلمنا
وتر المحبة يضمنا
ويغنى لينا كلنــا
دى مصر لينا كلنا
مصر لينا كلنـــا
ليست هناك تعليقات:
إرسال تعليق